இன்று காலை வெளியான வெடி திருமகளே பரம்பரையில் வாய்த்திருப்பதால் ஏற்பாடுகளில் ஒரு பரபரப்பு (5) இதற்கான விடை: களேபரம் இன்று காலை கேசவன் இவ்விடை பற்றியும் "களேபரம்" என்ற சொல்லின் பொருள் பற்றியும் (எனக்குத் தெரியாத) விவரங்களை அனுப்பியிருக்கிறார். அதை அப்படியே இங்கே வெளியிடுகிறேன்: I was also of the opinion that களேபரம் meant something like chaos till my wife learnt a song on Ganesha where the line சுத்த களேபரம் சோம கலாதரம் appeared and confused me. Later I discovered that the word meant body. So I suppose our popular usage came from a description of a chaotic situation like mayhem, with bodies strewn about! For instance the year when the wooden idols of Puri are to be remade is called nabakalebar (new body). இன்று அனுப்பப்பட்ட விடைகள் அனைத்தும் பார்க்க இங்கே செல்லவும்.
Comments
**************************
நேற்றைய திருப்பாவை பாடலின் எதிரொலியோ, இன்றைய புதிரில் ஒலித்தது! ?
நேற்று முழங்கை வரை நெய் வழிய அனைவரும் கூடி அருந்தி உள்ளம் குளிர்ந்தோம் !
அருமையான புதிர் அமைத்த ஆசிரியருக்கு பாராட்டுகள் 💐
அக்காரவடிசில் அருந்திய திருப்தி! !🙌
🌺🌺🌺🌺🌺🌺🌺🌺🌺
திருப்பாவை
கூடாரை வெல்லும் சீர் கோவிந்தா உன் தன்னைப்
பாடிப் பறை கொண்டு யாம் பெறும் சம்மானம்
நாடு புகழும் பரிசினால் நன்றாகச்
சூடகமே தோள்வளையே தோடே செவிப்பூவே
பாடகமே என்றனைய பல்கலனும் யாம் அணிவோம்
ஆடை உடுப்போம் அதன் பின்னே பாற் சோறு
மூட நெய் பெய்து முழங்கை வழி வாரக்
கூடி இருந்து குளிர்ந்தேலோர் எம்பாவாய்!
*****************
உடலில் இருப்பது நாளைய மலர் சூடிய கிழங்குத் துண்டு (4)
நாளைய மலர்
= இன்றைய மொட்டு
= முகை
கிழங்குத் துண்டு
= [கி]ழங்[கு] = ழங்
நாளைய மலர் சூடிய
= முகை உள்ளே ழங்
= முழங்கை
உடலில் இருப்பது
= முழங்கை
******************
பொதுவாக மாலை 7 - 9 மணி இடைவேளையில் எப்போதாவது விடைக்கான பதிவை எழுதிவிட்டு 9 மணிக்கு வெடிக்கும்படி டைம்பாம்ப் வைத்துவிட்டுச் சென்றுவிடுவேன். நேற்றிரவு மிகுந்த அசதியோடு செய்ததால் கைவெடிகுண்டாக வீசிவிட்டேன். மன்னிக்கவும்.
@ராகவன்: ஆமாம். முந்தாநாள் அத்திருப்பாவைப் பாடலைப் படிக்கும்படி நேரிட்டது. அதிலிருந்து சுட்டுவிட்டேன். தேனெடுத்தவன் புறங்கை நக்காமல் இருக்க முடியுமா? நான் முழங்கை வரை சென்றுவிட்டேன்.