இன்றைய வெடி: முந்தானையா, ரவிக்கை ஓரத்தில் ஆண்கள் அணிந்து கொள்வது? (5) இதற்கான விடை: தலைப்பாகை = தலைப்பா + கை தலைப்பாகையால் ஒரு வசதி உண்டு, தலையில் எண்ணெய் தடவவோ, படிய வாரிக் கொள்ளவோ அவசியமில்லை. அதைப் பற்றி ச் சிக்கனமாக மூன்றடி வெண்பா. முந்தானை பின்னாலே மோகித்துச் செல்லாமல் வந்தாராம் கைசேர்த்து வாராத் தலைமறைக்க இந்தப் புதிர்வழி இன்று. விடையளித்தவர்கள் பட்டியலைப் பார்க்க இதைச் சொடுக்கவும். ஹிந்து, இந்தியன் எக்ஸ்பிரஸ் நாளேடுகளில் குறுக்கெழுத்துப் புதிர்களை அளித்து வரும் சதுர்வாசி (Gridman) கோடை 2019 சரவெடி பற்றி அவருடைய ஆழ்ந்த கருத்துகளை விவரமாக அளித்துள்ளார். இங்கே சென்று கருத்துரைப் பகுதியில் அதைப் படிக்கலாம். அவரைப் போலவே ஹிந்து நாளேட்டிற்குப் புதிரளித்தும், IPL போன்று IXL என்ற பெயர்கொண்ட ஆங்கிலக் குறுக்கெழுத்துப் போட்டியில் கோப்பை வென்றவருமான ராம்கி கிருஷ்ணன் உதிரிவெடிப் பக்கங்களுக்கு கடந்த பத்து நாட்களாக அடிக்கடி வந்து பங்கேற்று வருகிறார். அவர்கள் இருவருக்கும் நன்றி.