Skip to main content

விடை 3664

இன்று காலை வெளியிடப்பட்ட வெடி:
கடவுளிடத்தில் அரசன் நீங்கிப் பெற்ற ஆயுதம் (2)
இதற்கான விடை:  வில் = கோவில் - கோ

இன்று பெறப்பட்ட  அனைத்து விடைகளுமடங்கிய பட்டியல்

கோவிலுக்குச் சென்றும் குறுக்கெழுத்தைச் செய்வதைப்
பாவிநான் எண்ணினேன்  பல்விதமாய் --  நாவினிக்கும் 
சொற்களைத் துண்டாக்கிச் சுற்றி வெடியமைத்தேன் 
கற்பனையில் கண்டேன் சுகம்.




Labels:

Comments

Raghavan MK said…
சொல்லும் மணி ஓசை_
*************************
*_நாயகர்களும் வில்களும்_*

வில்லாளிகள் வைத்திருந்த விற்களுக்குத் தனித்த பெயர்களும் உண்டு.
சிவனின் வில் - பிநாகம் கண்ணனின் வில் - சாரங்கம் இராமனின் வில் - கோதண்டம் அருச்சுனனின் வில் - காண்டீபம்
கர்ணனின் வில் - காண்ட பிரஸ்தம்
மன்மதனின் வில் - கரும்பு
***
_கடவுளிடத்தில்  அரசன் நீங்கிப் பெற்ற ஆயுதம் (2)_

_கடவுள் இடத்தில்_
= *கோவில்*
_அரசன்_ = *கோ*

_கடவுளிடத்தில்  அரசன் நீங்கிப் பெற்ற_
= *கோவில் - கோ*
= *வில்*
= _ஆயுதம்_
🏹🏹🏹🏹🏹🏹🏹
8 May 2019 at 21:03
Muthu said…
புதிராசிரியர் மீண்டும் வெற்றிகரமாகத் திசை திருப்பிவிட்டார்! கடவுளிடத்தில் என்றால் ஆண்டவனிடத்தில், இறைவனிடத்தில் என்று தொடங்கி, கைலாயம், கயிலாயம், வகுண்டம், பாற்கடல் எல்லாம் தொட்டு, கடவுளிடத்தில் இருப்பது "உளி"யோ என்றுகொஞ்சம் ஸ்தம்பித்துத் திடீரென்று கோவில் பளிச்சிட்டது! பலர் உளி என்று விடை சொல்வர் என்று யூகித்து ஏமாந்தேன். புதிரும், வெண்பாவும் மிக இரசிக்கும்படி அமைந்தன. வாழ்துகள்!
8 May 2019 at 21:10
Vanchinathan said…
வைகுண்டம்தான் சென்ற வாரம் சரவெடியில் போய்வந்தாச்சே. கடவுள்கள் யாரும் உளி போல் நல்லதாகப் படைக்கும் திறனுக்கேற்ற பொருள் வைத்துக் கொள்வதில்லையே. சூலாயுதம், திரிசூலம், சக்கரம் இதைத்தானே கையில் வைத்திருப்பார்கள்.
8 May 2019 at 22:37
Post a Comment

Popular posts from this blog

வலையுலகில் ஒளிந்துள்ள புதிர்ப் பக்கங்கள்

வாட்ஸப்பிலிருந்து வலைப்பதிவுக்கு உதிரிவெடி குடி மாறி ஒரு மாதம் முடித்து விட்டது. வலையில் பல வருடங்களாகப் புதிர் அளிப்பவர்கள் பலர் இருக்கின்றனர்.  நான் அளிக்கும் இந்த சில்லறையெல்லாம் போதாது, கற்றை கற்றையாக இருந்தால் நல்லா இருக்குமே என்று நினைப்பவர்களுக்கு இப்பதிவு: 1. இலவசக் கொத்தனார்  2008ஆம் ஆண்டில் பல புதிர்கள் செய்திருக்கிறார். இந்த (cryptic clues)  வெடிகளைப் புதைபுதிர்  என்று அழகானப் பெயரை முன்மொழிந்தவர் அவரே. இங்கே தொடங்கித் தேடவும்: http://elavasam.blogspot.in/2008/08/blog-post.html பதம் பார்க்க ஒன்று:   வயதானால் தெரியும் தன் விலாசம் (4) 2. அபாகு‍ பார்த்தசாரதி நூற்றுக்கும் மேற்பட்ட புதிர்கள் செய்துள்ளார். ஆங்கிலப்புதிர்கள் குறித்தும் அவர் நிறைய எழுதியுள்ளார். அவருடைய வலை முகவரி: http://www.sparthasarathy.com/crosswords/indexcw_tamil.html#current அவருடைய கைவண்ணத்தில் உருவான மாதிரிகள் இரண்டு: கடை பாசந்தி விலை அதிகம் என்றாலும் சுவை குன்றாது (5) முதல் சாரணனுக்கு உதவித்தொகை கிடைப்பது எளிது (5) 3. முத்து சுப்ரமண்யம் சொல்கலை, கலைமொழி என்று பலவ...
5 comments
Read more

தீபாவளிக்காக ஒரு விநோத சொல் விளையாட்டு

தீபாவளிக்காக ஒரு விநோத சொல் விளையாட்டு    வாஞ்சிநாதன் இன்றைய விசேஷப்புதிரில்  ஒற்றை  வாக்கியத்தைக் கண்டுபிடிப்பதுதான் உங்கள் வேலை. அதில் சில சொற்களை அப்படியே தந்திருக்கிறேன். மற்ற சொற்களுக்கு மாற்று தந்திருக்கிறேன். அவற்றை மாற்றி வாக்கியத்தை எழுதவேண்டும். எந்த வார்த்தைகள் மாற்ற வேண்டியவை என்பதை அவை பின்னே  ஆங்கில எழுத்துகள் A,B,C,D, E மூலம் காட்டியிருக்கிறேன். நீங்கள் மாற்றிக் கண்டு பிடிக்க வேண்டிய விடைச் சொற்கள் ஐந்துக்கும் ஓர் ஒற்றுமை இருக்கிறது. அதைக் கண்டுபிடிப்பதும் சுவாரசியமாக இருக்கும். உங்களால் அந்த ஒற்றுமையைக் காண முடியவில்லை என்றால் பெரும்பாலும் உங்கள் விடை தவறாக இருக்க வாய்ப்பிருக்கிறது.  அல்லது  இரண்டு கோடி பரிசை வென்ற பின்னும் இன்னமும் எனக்கு ஒரு கோடி கிடைக்கவில்லையே என்று எண்ணிக்கொண்டிருக்கிறீர்கள்! விடைகள் ஒவ்வொன்றும் ஒற்றைச் சொல்லா என்று சந்தேகம் வந்தால் இதை மனதில் கொள்ளுங்கள்: "கொஞ்சங்கூட"  என்பது போல் சேர்த்தெழுதி  ஒற்றைச் சொல் போல எண்ணலாம். இதோ அந்த புதிர் விளையாட்டு:   ஒரு கணிதமேதைக்குத் தூண்டுதலான ...
8 comments
Read more

விடை 3488

இன்று காலை வெளியான வெடி: வீட்டுப் பகுதி புலி விரட்டிய கருவியில் நாற்று நடு (4) இதற்கான விடை:  முற்றம் = முறம் + ற்
3 comments
Read more