விடை 3269

இன்று (06/04/2018) காலை வெளியான வெடி

இவ்விடத்திலிருக்காத பேருந்து பாதி போன நாடு ஒன்று (6)
இதற்கான விடை: இங்கிலாந்து = இங்கு + இலா +   (பேரு) ந்து

பாரதியார் சிங்களத் தீவுக்கோர் பாலம் அமைப்போம் என்றார். நம் புதிருலகில் பல படிகள் மேலே சென்று தொலைவிலுள்ள இங்கிலாந்து தீவுக்கு ஒரு, இல்லை, அரைப் பேருந்தையே போக விட்டோம். இப்பேருந்து ஏர்பஸ் வகையென்பதால் பாலமே தேவையில்லை.

இதைத்தான் அன்றே சொன்னான் வள்ளுவன்:

எண்ணி நடக்காத(து)   ஏதுமிலை பேருந்தில்
கண்ணயர்ந்தால் இங்கிலாந்து காண்

(அதிகாரம்: 135: பிறன்நாடு விழைதல்,  குறள்: 1342)

நரிமேற்கிழார் உரை:

 நம் மனம் தீவிரமாக ஒன்றை விழைந்தால் அதை அடைவதை  எதுவும் தடுக்க முடியாது.  பெரிய உந்து சக்தி (பேருந்து) இருக்கையில் கண்மூடி தியானித்தால்    இங்கிலாத, அதாவது பூவுலகில் இல்லாத, மேலுலகில் உள்ளோரைக் காணலாம்.  கண்மூடி ஆழ்ந்த தியானத்தில் ஈடுபடும்போது காரியம் கைகூடும்.   (குறிப்பு: கண்ணயர்ந்தால் என்பதைத் தூங்கிக் கொண்டிருக்கும்போது என்று சில உரையாசிரியர்கள் சொல்வது பொருந்தாது.  வள்ளுவப் பெருந்தகை, உலகை ஆழ்ந்து நோக்கிய அவர் இத்தகைய நகைப்புக்கிடமான விஷயத்தைக் கூறுவாரா?  கண்மூடி தியானத்தில் இருக்கும்போது என்று பொருள் கொள்வதே  சாலச் சிறந்தது. )