உதிரிவெடி 3650 (ஏப்ரல் 23, 2019)
வாஞ்சிநாதன்
****************
இன்று மூன்றாமாண்டை உதிரிவெடி தொடங்குகிறது. இவ்வளவு நாளும் தொடர்ந்து வந்து புதிரின் விடைகளைக் கண்டுபிடித்து வரும் அனைவருக்கும் பாராட்டுகள். வாட்ஸப் குழுவில் தமிழ் எழுத வசதியிருக்கிறதாமே என்று தெரிந்தபின் கொஞ்ச நாட்கள் ஒரு குழு அமைத்து அதில் புதிர்களை அனுப்பலாமா என்று எண்ணித் தொடங்கினேன். இருபது பேருடன் தொடங்கிய குழுவில் இரண்டு மாதங்கள் நான் புதிர் அளிக்க முடியும் என்று அப்போது நினைத்திருந்தேன். உங்கள் ஆர்வத்தாலும், நான் கஷ்டமான புதிர் என்று நினைத்தாலும் பத்து நிமிடத்தில் (சில சமயம் அதே நிமிடத்தில்!) விடையை அளிக்கும் வல்லவர்களாலும் உந்தப்பட்டு வாட்சப்பிலிருந்து வெளிவந்து வலைப்பதிவாக அளித்து வருகிறேன். இதன் நோக்கம் எனக்குத் தெரிந்தவர்கள் மட்டும்தான் புதிரை ரசிக்க வேண்டுமென்பதை மாற்ற. எனவே உங்கள் நண்பர்களையும் அழைத்துப் புதிர்ப்பக்கம் வரச் சொல்லுங்கள்.
இந்த பிறந்த நாளில் எல்லோரும் அவர்களவர்கள் வீட்டில் பாயசம் செய்து சாப்பிட்டுக் கொண்டாடுங்கள்.
நேற்று வேட்டியே இல்லாதவன் கதை. இன்று கொஞ்சம் முன்னேற்றம், அரைகுறை ஆடைக்காரன் வருகிறான் பராக், பராக்:
பொறுப்பின்றி வயலின் வாசித்தவன் அரை ஆடையுடன் குளிக்க வந்த இடம்? (3)
Comments
இப்பணி மேலும் பல்லாண்டு தொடர மனமார்ந்த வாழ்த்துக்கள்.