விடை 3644

இன்று காலை வெளிவந்த வெடி:
மூட்டை சுமக்குமிடத்தில் மேகம் மலையிறங்கி ஒரு பருப்பு சுமக்கும் (4) 

இதற்கான விடை:   முதுகில் 
துவரை - வரை (மலை)  = து. இதைச் சுமந்த "முகில்"  முதுகில் என்ற விடை
கிடைக்கும்.

இன்றை புதிருக்கு வந்த விடைகளை இப்பக்கத்தில் சென்று காணுங்கள்.

வானத்தில் சும்மாவே திரிந்துகொண்டிருக்கும் மேகங்கள் இப்படிக் கொஞ்சம் மூட்டைகளைச் சுமந்து மலையிலிருந்து இறங்கி வீட்டில் சேர்த்தால் உபயோகமாயிருக்கும், மனிதர்களுக்கும் சுமைகூலி மிச்சமாகும்.
அறிஞர்களை cloud computing  என்று ஆராய்ச்சி செய்வதை விடுத்து மேக விடுதூது, மேகச் சரக்குசேவை  என்று ஆய்வு நடத்தும்படி  விண்ணப்பிக்கிறேன்.
  
மலைமேல் முகிலடுக்கு மாந்தரின் பாரம்
தலைமேற்கொண் டோடின்  தரணியில் வாழ்வோர்
விலையில்லாச் சேவை விரைவாகப் பெற்று
சிலைபோல் வணங்குவர் சேர்ந்து.