உதிரிவெடி 3647

உதிரிவெடி 3647 (ஏப்ரல் 20, 2019)

வாஞ்சிநாதன்

****************

உதிரிவெடிப் புதிர்கள்  தொடங்கி வரும் திங்கட்கிழமை  ஏப்ரல் 22இல் இரண்டு வருடங்கள் பூர்த்தியாகப் போகிறது.
இப்புதிர்ப் பக்கங்களை ஆரம்பகாலத்திலிருந்து எட்டிப் பார்த்துவரும் ஒருவர் இத்தேதியைக் கணக்கிட்டு  இத்தருணத்தில் உதிரிவெடியைப் பற்றிப் பாராட்டி எழுதியதை இங்கே பகிர்ந்து கொள்கிறேன்:

 நாளொன்றுந் தட்டாமல் நல்ல புதிரினை
வாளொத்த கூர்மதியால் வார்த்தளித்த வாஞ்சியே
ஆண்டிரண்டு  ஆனபின்னும் ஆயிரம்நீ  தந்திடவே
வேண்டினோம் மேலும் வெடி.

கல்யாணங் காட்சியொடு துக்கம் விசாரித்தல்
எல்லாப் பணிகட்  கிடையிலும் உன்புதிரை
நில்லாமல்  நித்தமும் நீசெய்தாய் சாதனை  
வல்லவனே இன்றுரைத்தோம் வாழ்த்து.

 மேற்கண்ட வெண்பாக்களை எழுதியவர் மிகவும் அடக்கமானவர்! தன் பெயர்  குறிப்பிடாமல் வெளியிடவேண்டும் என்று அவர் சொல்லியிருக்கிறார்.

சரி,  இன்றைய ஆட்டத்திற்கு வருவோம்:

கல்யாணத்தில் ரகளை தலைகாட்ட எல்லோரும் ஒருமுறை சந்திக்க வேண்டியது (4)