விடை 3606

நிறைய‌ விஷயங்களைத் தெரிந்துகொள்ள அதீத ஆவலுடன் சிலர் இருப்பார்கள்.
அப்படி ஒருவரை நேற்று மாலை நான் சந்தித்து, பொழுதுபோவது தெரியாமல் நீண்ட நேரம் அளவளாவிக்கொண்டிருந்தேன். அவருக்கு நிறைய விஷயம் தெரியுமாதலால் சுவாரசியமாக நேரம் போய்க் கொண்டிருந்தது. அவர் கற்கால, தற்கால இலக்கியமெல்லாம் கற்றவர். எனக்கோ இதெல்லாம் தெரியாது.
ஏதோ எக்ஸ், ஒய் என்று மாணவர்களிடம் பினாத்திக் கொண்டு காலத்தை ஓட்டுபவன்.  இருந்தாலும் எனக்கும் இலக்கியம் கொஞ்சம் தெரியுமாக்கும் என்று சும்மா ஒரு கப்ஸாவிட்டேன் (நமக்குதான் உண்மையிலேயே விஷயம் தெரியாதே!)

அனுமார்  நெருப்பு வைத்த‌ இலங்கைத் தீவு அணைத்த பின் மிச்சமிருந்த வு க்கு முன்னே ராவணனின் துருப்பு பாதி ஓடிவிட்டது என்று அவ‌ரிடம் சொன்னேன். உடனே அவர் என்னை விடவில்லை.  கம்ப‌ராமாயணத்தில் யுத்த காண்டத்தில் எந்த படலத்தில் அப்படிச் சொல்லியிருக்கிறது, அல்லது வால்மீகி எந்த சுலோகத்தில் சொல்லியிருக்கிறார் என்று விடாமல் கேட்டுக் கொண்டேயிருந்தார். அவருக்கு பதில் சொல் முடியாமல்  நான் "ஐயா, நான் உதிரிவெடி என்று ஒரு வலைப்பதிவில் தினம் புதிர் ஒன்று போட்டுக் கொண்டிருக்கிறேன். அந்த வாசகர்களுக்கு நாளைக்குக் காலை 6 மணிக்குள்ளே நான் புதிரைத் தயாரித்து வெளியிடவேண்டும், ஆனால் எனக்கோ ஞாயிற்றுக் கிழமை காலை 7 மணிவரை தூங்கவேண்டும் இப்போது என்னை விட்டுவிடுங்கள்" என்று சொல்லி அந்தக் குடைவரின் துருவலிலிருந்து தப்பித்து இப்புதிரைச் செய்தேன்.

இப்புதிரை நேரத்துக் கொண்டு வருவதற்கு எவ்வளவெல்லாம் கஷ்டப்பட வேண்டியிருக்கிறது பாருங்கள்! ஐந்தேகால் மணிக்குக் கொட்டக் கொட்ட விழித்துக் கொள்ளும் நானே என்னைப் பற்றித் தூங்கு மூஞ்சி என்று சொல்லிக் கொள்ள வேண்டியிருக்கிறது.