உதிரிவெடி 3184

** இன்றைய (12 ஜனவரி  2018) உதிரி வெடி -- வாஞ்சிநாதன்

முதலில்  நேற்றைய வெடி கதையை முடித்து விடுவோம்.
மொத்தம் வந்த 50க்கும் மேற்பட்ட விடைகளில் 30 பேர் அவலம் என்ற தவறான விடையளித்திருந்தனர்.  சரியான விடை வந்ததும் இப்படி ஒருவர்
அப்பீலே இல்லை. பாதகம் தான் சரியான விடை. ஆத்தா இன்னிக்கு பெயில் ஆயிட்டேன், இந்த அவலத்தை எங்க போயி சொல்லுவேன்?
என்று கருத்துரை அளித்திருந்தார்:

சரியாக விடையளித்தவர்களில் ஐந்தாறு பேர் முதலில் அவலம் என்று விடையனுப்பி அப்புறமாக மாற்றினார்கள் என்று தெரிவித்துக் கொள்கிறேன்.

அவருக்கும் அதே போல் நினைத்து வெளியில் சொல்லாதவர்க்கும் இந்த சிந்தியல் வெண்பா:

தோற்ற துயரில் துவண்டிட்ட ஆர்வலரே
மாற்றி விடைகண்ட மாந்தரும் உண்டங்கே
நூற்றுக்கு நூறில்லை காண்.

சரி இன்றைய வெடிக்கு வருவோம்:

ஒரு கணக்கைப் போட கணினி, பழத்தைப் பிடுங்க பல கட்சிகள் (4)