இன்று காலை வெளியான வெடி:
ஒரு வீட்டில் வாழ்பவர்கள், ஆடு, மாடு போய் நுழைந்த ராசி (5)
அதற்கான விடை: குடும்பம்= கும்பம் + டு
கும்பம் = ஜோதிடத்தில் சொல்லப்படும் 12 ராசிகளில் ஒன்று
டு = ஆடு - ஆ (மாடு)
ஆடு மாடு நுழைவது இப்புதிரில் இரண்டாவது முறை. ஏற்கனவே 2017 இல் இதைப் பயன்படுத்தியுள்ளேன்.
(பத்து ஆடு மாடு போனதும் உள்ளே சென்று தொந்தரவு கொடு (4) )
ஏன் குடும்பத்தில் ஆடு, மாடு நுழைகிறது என்று கேட்காதீர்கள். ஆமையோ, அமினாவோ நுழையவில்லையே.
இவ்வெடிக்கு அனுப்பப்பட்ட விடைகளை இங்கே காணலாம்.
Comments
*************************
ஆடு, மாடு இவையிரண்டும் முதலிரண்டு ராசிகளின் சின்னங்கள், ஆயினும் புதிரில் வந்துள்ள ராசியோ கும்பம். குழப்புவதற்கென்றே வந்தாலும் ஆடு, மாடு இவையிரண்டையும் நன்றாக இணைத்து ஒடவிட்டு, நம்மையும் ஆடவிட்டிருக்கிறார் ஆசிரியர்! !
(ஒரு ராசி என்று குறிப்பிட்டிருக்கலாமே!)
*************************
ஒரு வீட்டில் வாழ்பவர்கள், ஆடு, மாடு போய் நுழைந்த ராசி (5)
ராசி = கும்பம்
மாடு = ஆ
ஆடு, மாடு போய்
= ஆடு-ஆ = டு
(ஆடு இதில் ஆ போக இருப்பது டு)
ஆடு, மாடு போய் நுழைந்த ராசி
= கும்பம் இதில் நுழைந்த டு
= குடும்பம்
= ஒரு வீட்டில் வாழ்பவர்கள்
*************************
நல்லதொரு குடும்பம் பல்கலைக்கழகம்!
*************************