இன்று காலை வெளியான புதிர்:
சில சிவத்தலங்களில் காணப்படும் அரை வெள்ளரியில் கால்வாசி (3)
அதற்கான விடை: பாதிரி = பாதி + (வெள்ள) ரி
வில்வ மரம், வன்னி மரம் போல் சில ஊர்களின் சிவாலயங்களில் தல விருட்சமாக பாதிரி மரம் இருக்கும். கடலூர்க்காரர்கள் செல்லமாக NT (new town) என்று சொல்லும் கடலூர் புதுநகரம் திருப்பாதிரிப்புலியூர் என்று பெயர் கொண்டது. சிறுவயதில் உறவினரைச் சந்திக்க அங்கே சென்று கெடிலம் ஆற்றில் குளித்திருக்கிறேன்.
இந்த சிவாலய மரத்தினைப் பற்றிய குறிப்பு கொண்ட வலைப் பக்கத்தை இன்று முதல் விடையளித்திருக்கும் ரவி சுந்தரம் தேடிக் கொடுத்திருக்கிறார் (அவரே இன்று கிரிப்டான் புதிரையும் முதல் விடையளித்துள்ளார்). அந்த வலைப் பக்கம் இதோ
இன்றைய வெடிக்கு விடையளித்தவர்கள் பட்டியலை இங்கே சென்றால் பார்க்கலாம்.
சில சிவத்தலங்களில் காணப்படும் அரை வெள்ளரியில் கால்வாசி (3)
அதற்கான விடை: பாதிரி = பாதி + (வெள்ள) ரி
வில்வ மரம், வன்னி மரம் போல் சில ஊர்களின் சிவாலயங்களில் தல விருட்சமாக பாதிரி மரம் இருக்கும். கடலூர்க்காரர்கள் செல்லமாக NT (new town) என்று சொல்லும் கடலூர் புதுநகரம் திருப்பாதிரிப்புலியூர் என்று பெயர் கொண்டது. சிறுவயதில் உறவினரைச் சந்திக்க அங்கே சென்று கெடிலம் ஆற்றில் குளித்திருக்கிறேன்.
இந்த சிவாலய மரத்தினைப் பற்றிய குறிப்பு கொண்ட வலைப் பக்கத்தை இன்று முதல் விடையளித்திருக்கும் ரவி சுந்தரம் தேடிக் கொடுத்திருக்கிறார் (அவரே இன்று கிரிப்டான் புதிரையும் முதல் விடையளித்துள்ளார்). அந்த வலைப் பக்கம் இதோ
இன்றைய வெடிக்கு விடையளித்தவர்கள் பட்டியலை இங்கே சென்றால் பார்க்கலாம்.
Comments
வீடு திருப்பாபுலியூர் -- திருவஹிந்திபுரம் வழியில் இருந்தது. அங்கு சென்று கடிலம் ஆறு தேவராஜ பெருமாள் கோவில் அருகில் குன்றில் லட்சுமி ஹயக்ரீவர் கோவில் போனது எல்லாம் தெளிவாக ஞாபகம் இருக்கிறது. பாட்டி ஹயக்ரீவர் ஸ்தோத்திரம் சொல்லி கொடுத்து தினமும் பாராயணம் செய்ய சொன்னார். பி யு சி வரை தினமும் சொல்லி வந்தேன். பிறகு மமதை கர்வம் எல்லாம் வந்து ஸ்லோகம் சொல்வதை நிறுத்திவிட்டேன். திரும்ப வயதான பிறகு மறுபடியும் தொடங்கி இருக்கிறேன். கர்வம் மமதை அழிய வேண்டும். இவை இருப்பதை ஒப்புக்கொள்ள வேண்டும் அதுவே அது அழிய முதல் படி. முதல் அடி விட்டேன். மேலும் முன்னேற அருள் கிடைக்க வேண்டும்.
இந்தப் பாடலின் வெண்பா வடிவம்:
சொல்லாம லேபெரியர் சொல்லிச்செய் வர்சிறியர்
சொல்லியும் செய்யார் கயவரே, நல்ல
குலாமாலை வேற்கண்ணாய் கூறுவமை நாடில்
பலாமாவைப் பாதிரியைப் பார்
இப்பாடலுக்கு விளக்கமும் மேலும் சுவையான செய்திகளும்
இங்கு பார்த்தேன்: https://365paa.wordpress.com/2012/03/11/249/
இந்தப் பாடலை என் பிள்ளைகளின் சிறு பிராயத்தில் சற்று மாறுபட்ட
பொருளில் சொல்லி நகையாடுவேன். தினம் செய்ய வேண்டிய வேலைகளையும்
கடமைகளையும் "செய்" என்று "சொல்லாமலே" செய்ய வேண்டும்; சொல்லிய பிறகாவது
செய்யலாம். சொல்லியும் செய்யாதிருப்பது மிக மட்டம்.
பாதிரி மரம் சிவன் கோவில் தல மரமாக இருப்பதுஎனக்குப் புதிய செய்தி.
ஔவை பாடலில் அப்படி நேரிடையாகச் சொல்லாவிட்டலும் பலாவை சொல்லாமல் செய்யும் பெரியோருக்கு உவமையாகக் கூறுவதன் மூலம் அவ்வாறு பொருள் கொள்ள இடமிருக்கிறது!
சொல்லாமலே பெரியர் <==> பலா
சொல்லிச் செய்வர் சிறியர் <==> மா
சொல்லியும் செய்யார் கயவர் <==> பாதிரி
இந்த உவமை ஒப்புப் படி பார்த்தால்:
சொல்லாமல் செய்வது = பூக்காமல் காய்ப்பது
சொல்லிச் செய்வது = பூத்துக் காய்ப்பது
சொல்லையும் செயாதிருப்பது = பூ மட்டுமே; காய், பழம் இல்லை.