விடை 3414

 இன்று காலை (29 ஆகஸ்டு 2018) வெளியான வெடி:

நூலிலிருந்து அறிந்ததும் பத்தும் பறந்துபோக எதிர்க்குமோர் ஆயுதம் (2)

இதற்கான விடை:  தடி

படித்தது = நூலிலிருந்து அறிந்தது
படித்ததும் = நூலிலிருந்து அறிந்ததும்
படித்ததும் - பத்தும்  =  டித
எதிரித்து வர = தடி,  ஓர் ஆயுதம்

இன்று சரியான விளக்கத்துடன் கிட்டதட்ட  நாற்பது  பேர் விடைய‌ளித்திருக்கின்றனர். ஜூன் மாதத்தில் கடைசியாக விளக்கம் கேட்ட போது ஒருவர் மட்டுமே முழுமையான விளக்கத்தை அளித்திருந்தார். அதனால் இது முக்கியமான முன்னேற்றம்.

அதோடு  தவறான விடையாக ஆறு பேர் "வில்"  என்று குறிப்பிட்டிருந்தனர். நூலிலிருந்து அறிவது கல்வி என்ற வகையில் பொருந்தி வருகிறது.  பத்தும் பறந்து போகும் என்பதுடன் தொடர்பில்லையாதலால் அது சரியான விடையில்லை. ஆனாலும் கல்வியிலிருந்து வில் புறப்படும் என்று கவனித்ததற்கு அவர்களுக்கு நல்ல புதிரமைக்கும் திறமையும் இருக்கிறது என்று எண்ண வைக்கிறது.