சரவெடிக்கான விடைகள்

விடைகளைக் கூற வேண்டிய நேரம் இது. தினமும்  ஒற்றை வெடிக்கு  விடைகளுக்கு விளக்கம் எழுத படிவத்தில் இடம் ஒதுக்க முடிந்தது. ஆனால்  இச்சரவெடிகளுக்கு அதைச் செய்ய முடியவில்லை.
சிலவற்றுக்கும்  மட்டும் விளக்கம் கொடுக்கிறேன். விடுபட்ட  7 வெடிகளுக்கு உங்களைக் கருத்துரையில் விளக்கம் அளிக்குமாறு வேண்டுகிறேன்.  விளக்கம் தேவைப்படும் அந்தவிடைகளை சிவப்பு நிற எழுத்துகளில் காட்டியிருக்கிறேன்.

குறுக்காக‌
1. கணவன்-மனைவி  பந்தம் பதினைந்தில்  முகிழ்த்தது (4) தம்பதி [ஒளிந்திருக்கும் விடை]
3. பெரிய தடை சிக்க தடுமாறுவது கையில் காசு குறைவாக
     இருக்கும் சமயம் (6)  மாதக்கடைசி = ( பெரும் =) மா + தடை சிக்க
 8. மாட்டு  நீதிபதிக்கு மரியாதையாகப்  பொருந்துவது ஆட்டி
     உருவாக்கும்  அமைப்பு (6)   கட்டுமானம்
 9.  கொடிய திட்டம்  சூழ்ந்த பின் பாதி பிறந்த குழந்தைகள் (4)  சந்ததி
11.  நடு  வாயில் பல்லில் சிக்கிய  கல் (3) பயில்
12. கவனமாக  வாத்து தலை சீவி  இன்னொரு பறவையிடம் புகுந்தது (6) கருத்துடன்  = கருடன் + (வா)த்து
14. பாரதியார் தலை சீவி மயக்க  விதேசி மயங்கினாள் (6)  தேசியக்கவி = (ம)யக்க + விதேசி
16. ரேவதிக்கு ஐந்து, லலிதாவுக்கு ஆறு (3)  சுரம் (அப்பெயருடைய ராகங்களிலுள்ள சுரங்களின் எண்ணிக்கை. "சுரங்கள்: என்ற விடைக்குதான் இது பொருத்தமாயிருக்கும். இந்த வெடி அவ்வளவு  சுகமில்லை.).
18. வியாபாரிகள் அம்புகளைப் பரிமாறிக்கொள்ளும் நிகழ்ச்சி (4)  விற்போர்
19. அண்ணன் ஆரம்பிக்காமல் முன்பே திணற நக்கீரன் பார்த்தவன் (6) முக்கண்ணன்
21.  ___  ___ பூதம் வந்தால் நினைத்த பூதம் வரவில்லை (3, 3)  கிணறு தோண்ட
22.  இரவோடிரவாகப்  பாடு! (4)  அல்லல் = அல் + அல் [பாடு = துன்பம்]

நெடுக்காக
 1. புன்னகையைப் பொன்னகையாக்குவது (6)  தங்கப்பல்!
 2. உயர்ந்த இழை உரசி புத்தகம் (3, 2) பட்டு நூல்
 4. ஒன்றியும் ஒன்றாமலும் வஞ்சியோடு புலவர் காண்பது (2) தளை
 வஞ்சிப்பா என்ற பாவகையில் ஒன்றிய வஞ்சித்தளை, ஒன்றாத வஞ்சித்தளை என்ற இருவகையான தளைகள் இடம்பெறும். புடவையின் வண்ணத்திலே மேட்சிங் ப்ளவுஸ் (ஒன்றிய வகை) அல்லது contrastஆக வேறு வண்ணத்தில் ப்ளவுஸ் இருந்தால் ஒன்றாத வகை, அது போல.

 5. ஒழுங்கு மாற  ஆரம்பமின்றி  காந்தி கடலை வறுத்தார் (5) கலைந்திட
 = (கா) ந்தி + கடலை
 6. தொலைக்காட்சித்  திரைக்கு வந்த ஒரு நட்சத்திரம் (4)  சித்திரை [ஒளிந்திருக்கும் விடை]
 7. வாய்பாடு தெரிந்தவர்களால் போட முடியும் நெஞ்சில் ஒரு திட்டம் (7) மனக்கணக்கு
10. இலட்சணமான பெண்  இதுபோல் இருப்பாள் என்று   கத்தியைப்  பிரயோகித்து  விவரி (3, 4) குத்து விளக்கு! 
13. _____ சிறைவாசம்  ஏனென்றால் வனவாசம் (6)  "இம்மென்றால்", இது பொது அறிவுக் கேள்வி, புதிர் இல்லை. பாரதியார் ரஷ்யப்புரட்சி பற்றி எழுதியதில் இடம்பெற்ற வரி.
15.  அசையாமல்  இடையொடியப்  போகவில்லை சிறுவன் காலின்றித்   தடுமாற்றம் (2, 3) சிலை போன்று (அதாவது அசையாமல்) =  போலை + (சி) றுவன்
16.  பணத்தாசையில் முதலாளிகள் செய்வது  துளி ரசம் கலந்து   கடலையால் செய்தது (5)  சுரண்டல் = சுண்டல் + ர (சம்)
17.   காற்றில் கரைந்து முதல்வர்கள் ஆண்டவனிடம் விண்ணப்பித்தால்  யாருக்கும் கிடைக்கும் (4)  ஆவியாகி  (முதலெழுத்துகளின் திரட்டு)
20.  திருவள்ளுவருக்கு ஒரு கண் (2) எண் ( எண்ணென்ப ஏனை எழுத்தென்ப இவ்விரண்டும்/ கண்ணென்ப வாழும் உயிர்க்கு)
_______________________
முதல் நாள்  கட்டங்கள் வெளிவராத போதே விடை கண்டு பிடித்தவர்கள்:
1. பா. நடராஜன்
2. கேசவன் 
3. ராம்கி கிருஷ்ணன்
4. எஸ் பி சுரேஷ்  
______________________

கட்டங்கள் வந்தபின்  இந்த இரண்டு நாட்களில் விடையனுப்பியவர்கள். எல்லா விடைகளையும், சரியாகக் கண்டுபிடித்தவர்கள் பெயர் மட்டும். (உங்கள் பெயர் விடுபட்டிருந்தால் சொல்லுங்கள் நாளை காலை திருத்தம் வெளிடுகிறேன்).
5. லதா
6.  எஸ் பார்த்தசாரதி
7. எஸ் ஆர் பாலசுப்ரமணியம்
8. ஶ்ரீகிருபா
9. வானதி
10. ராமராவ்
11. கதிர்மதி
12. எஸ் பி சுரேஷ் 
13. சங்கரசுப்ரமணியன்
14. ஜோசப் அமிர்தராஜ்
15. முத்து சுப்ரமண்யம்
16. அகிலா
17. ஜிகே சங்கர்
18. கி.பா.
19. மாதவ் மூர்த்தி
20. பத்மா
21. அம்பிகா
22. ராஜலக்ஷ்மி கிருஷ்ணன்
23.  சங்கரசுப்ரமணியன்
24 & 25  கனகசபாபதி & லட்சுமி மீனாட்சி
26. ஆர் நாராயணன்
27.  சிங்கப்பூர் பானு 

(ஆர் நாராயணன் என்று இரு வேரு நபர்கள் இருக்கலாம், தெரியவில்லை)