இன்று காலை வெளியான வெடி:
துயரத்தின்போது தெம்பளிக்கும்படி ஆளுக்கு ஒன்று வைக்கும் முன்னே குணமாகு (5)
அதற்கான விடை: ஆறுதலாக = ஆறு + தலா + க
ஆறு = குணமாகு ( காயம் ஆறிவிட்டது)
தலா = ஆளுக்கு
ஒன்று = க
தேறுதலாக என்றும் பலர் விடை அனுப்பியுள்ளார்கள்; தேறு என்பது குணமாகு என்பதற்குப் பொருத்தமான சொல். ஆனால் "ஆறுதலாகப் பேசினார்" என்பது போல் "தேறுதலாகப் பேசினார்" என்று ஏதும் புழக்கத்திலில்லை.
இவ்வெடிக்கு அனுப்பப்பட்ட விடைகளை இங்கே காணலாம்.
Comments
பொருள் :
குணமாகு (உடல் ஆரோக்கிய நிலை தொடர்பாக)
சரியாகு (உடல் ஆரோக்கிய நிலை தொடர்பாக)
***********************
ஆறுதலாக வா?
இல்லை தேறுதலாக வா?
என்று குழம்பி, இறுதியில்
ஆறுதலாக என்று விடையளித்து
என்னை நானே தேற்றிக்கொண்டேன்,எப்படியும் ஒரு ஆறுதல் பரிசு கிடைக்காமலா போய்விடுமென்று !
*********************** துயரத்தின்போது தெம்பளிக்கும்படி ஆளுக்கு ஒன்று வைக்கும் முன்னே குணமாகு (5)
குணமாகு = ஆறு
ஆளுக்கு = தலா
ஒன்று = க
ஆளுக்கு ஒன்று வைக்கும் முன்னே குணமாகு
=ஆறு+தலா+க
= ஆறுதலாக
= துயரத்தின்போது தெம்பளிக்கும்படி
( ஆறுதலாக நாலு வார்த்தை பேசிட்டு வந்தேன்)
***********************