உதிரிவெடி 3976

உதிரிவெடி 3976 (பிப்ரவரி 13, 2020)
வாஞ்சிநாதன்
*********************

பலரும் எழுதுவதில் இப்படி அடிப்படை அறிவில்லாமல் பிழையுடன் எழுதுகிறார்களே என்று நான் நினைப்பதுண்டு. தெரிந்தவர்களிடம் அதைச் சுட்டிக் காட்டியதுமுண்டு. ஆனால்  அதே தவறை நேற்று   புதிரில் செய்திருக்கிறேன் என்பது இரவு வந்த கருத்துரையிலிருந்து தெரிந்து கொண்டேன்.

"கத்தி கேட்பது" என்று  நான் எழுதியிருந்தேன். அதைக், "கரடியாகக் கத்துவதாய்ப்" பொருள் கொண்டால்  விடை வருகிறது.

ஆனால் "கத்திக் கேட்பது" என்றால்தான் அப்பொருள் வரும்.

"கத்தி கேட்பது" என்றால் அறுவைச் சிகிச்சைக்கு மருத்துவர் உதவியாளரிடம்  சொல்வதாயிருக்கலாம். அல்லது சமையலின் போது கத்திரிக்காயை
 நறுக்குவதற்காகக் கேட்பதாயிருக்கலாம்.
 
இதனால் பலர் விடையை அடைய முடியாததற்கு வருந்துகிறேன்.
பிழையைச் சுட்டிக் காட்டிய டாக்டர் ராமகிருஷ்ண ஈஸ்வரனுக்கு நன்றி.
இன்றைய வெடி:

உறவில்  புலவர் இடையிட்டது விருப்பத்திற்கெதிராகச் செயல்படும் போக்கு (6)