இன்று காலை வெளியான வெடி:
இவருக்கு முன் கால் போன திசை சண்டித்தனம் (4)
அதற்கான விடை: இடக்கு (சண்டித்தனம்) = இ + டக்கு
இ = இவருக்கு முன் (எழுத்து)
டக்கு = வடக்கு (திசை) என்பதில் வ (1/4) போய்விட்டது
இடக்கு செய்யும் காளை மாட்டை வாங்கி அல்லலுற்ற ஒருவரின் சோகக்கதை:
வண்டியில் பூட்டினால் வாலை மறைத்துபின்
நொண்டிபோல் செல்லும் நுகத்தடியில் முண்டிடும்
சண்டித் தனத்தால் சறுக்கிடும் முன்காலை
கண்டதுண்டோ இப்படியோர் காளை
இன்றைய வெடிக்கு விளக்கங்களுடன் அனுப்பப்பட்ட விடைகளை இங்கே காணலாம்
Comments
*இடக்கு மடக்கான புதிர் இன்று!*
மனம் போன போக்கில், *கால் போன திசையில்* நிறைய பேரை அலைய வைத்து வேடிக்கைப் பார்த்ததில்
*இவருக்கு* (ஆசிரியருக்கு) என்ன ஆனந்தமோ?
*ஒரு திசை* என்று கோடிட்டு காட்டியிருக்கலாம் ...
ம்ம்ம்ம்...😧
**********************
_இவருக்கு முன் கால் போன திசை சண்டித்தனம் (4)_
_முன்_ = _முன் எழுத்து_
_இவருக்கு முன்_
= *இ[வருக்கு] = இ*
_கால்_ = _1/4_ = *வ* _( தமிழ் எண்)_
_திசை_ = *வடக்கு*
( _*ஒரு* திசை_ என்று இருந்திருக்கலாம் ! )
_கால் போன திசை_
= *வடக்கு - வ = டக்கு*
_சண்டித்தனம்_
= *இ+டக்கு*
= *இடக்கு*
***********************
தமிழ் *இடக்கு* யின் அர்த்தம்
_இடக்கு_
பெயர்ச்சொல்-ஆக, -ஆன
(செய்துகொண்டிருந்த ஒன்றைச் செய்ய மறுக்கும்) முரண்டு; *சண்டித்தனம்.*
‘பள்ளிக்கூடத்துக்குப் போக ஏன் இடக்கு பண்ணுகிறான்?’
‘ஒழுங்காக ஓடிக்கொண்டிருந்த ஜட்கா வண்டிக் குதிரை திடீரென்று இடக்குசெய்கிறது!
🐎🐎
************************