Skip to main content

விடை 3805

இன்று காலை வெளியான வெடி:
இனிமை மது கொட்டி உள்ளே ஒழுக வெளியே தெரியாதது (5)

இதன் விடை : ரகசியம்
டாஸ்மாக் கடைக்குப் போய் சரக்கை  வாங்கி, பிளாஸ்டிக் பையில் எடுத்து
வருவதுதான் சரியாக இருக்கும். கண்ணாடி பாட்டில், வழியில் எங்கேயாவது இடித்தாலும்  மது உள்ளே கொட்டி ஒழுகுவது, வெளியே தெரியாமல் இருக்கும். இப்படி வாழ்க்கைக்கு முக்கியமான தத்துவத்தை அடக்கிய இன்றைய வெடியை விளக்கி ஒரு மூன்றடி வெண்பா.

ஒழுகாப்பை  உள்வைத்த  ஓர்சரக்கு காப்பாம்
விழுந்தால் கசிந்து வெளிக்கொட்டும்  பையால்
இழுக்குண்டு கெட்டார் குடி.
 
இந்த ஒப்பரிய தத்துவத்தைப் புரிந்து விடையளித்தவர்கள் பட்டியலை இங்கே காணலாம்.

Labels:

Comments

Raghavan MK said…
*************************
_மதுரத்தில் மது கொட்டியும் மிஞ்சியது ....._

*_ரம் (RUM)!_* 🍷🤔
************************ 
26 September 2019 at 21:08
Ravi Subramanian/ரவி சுப்ரமணியன் said…
நல்ல புதிர், அதனினும் நல்ல விளக்கம்.
26 September 2019 at 21:10
Muthu said…
டாஸ்மாக்குக்கும் சரக்குக்கும் எனக்கும் வெகு தூரம் - கி.மீ அளவிலும், மனத்தளவிலும். என் போன்றோர் பலர் இருப்பது பலரும் "மறைந்தது" என்று விடையளித்திருப்பதிலிருந்து தெரிய வருகிறது. நானும் மறைந்தது, மசிந்தது, மறைத்தது எல்லாம் நினைத்துப் பார்த்து (மது அருந்தாமலே) குழம்பினேன். இனிமை என்பதற்கு மதுரம் என்ற சொல்லும், ஒழுக என்பதற்குக் கசியவும் வடிய மிகவும் சிரமப் பட்டேன். கடைசியில் ரகசியம் வெளி வந்தது! ஒப்பரிய வெண்பாவும், மது கொட்டிய பின்னும் "ரம்" இல் கசிய வைத்த ரகசியமும் அருமை!
26 September 2019 at 21:14
Vanchinathan said…
ஐயா முத்து அவர்களே: மனத்தால் மிகவும் "கசிந்துருகி" செய்த புதிர் இன்று.

மு க ராகவனின் த"ரம்" வாய்ந்த கண்டுபிடிப்பு மதுரம்!
26 September 2019 at 21:28
Muthu said…
காதலாகிக் கசிந்திருகி புதிர் செய்ய வாழ்த்துகள்!

காதலாகிக் கசிந்து கண்ணீர் மல்கி
உதிரிவெடி தனை உடைத்தெறிந் துய்க்கவும்
போது விடிந்ததும் புண்ணியம் சேர்க்கவும்
'நாதன் நட்பு நமக்கு வாய்த்ததே.
(தமிழ்ப் புலவோரும், சம்பந்தரும் மன்னிப்பர்களாக)
26 September 2019 at 21:45
Post a Comment

Popular posts from this blog

வலையுலகில் ஒளிந்துள்ள புதிர்ப் பக்கங்கள்

வாட்ஸப்பிலிருந்து வலைப்பதிவுக்கு உதிரிவெடி குடி மாறி ஒரு மாதம் முடித்து விட்டது. வலையில் பல வருடங்களாகப் புதிர் அளிப்பவர்கள் பலர் இருக்கின்றனர்.  நான் அளிக்கும் இந்த சில்லறையெல்லாம் போதாது, கற்றை கற்றையாக இருந்தால் நல்லா இருக்குமே என்று நினைப்பவர்களுக்கு இப்பதிவு: 1. இலவசக் கொத்தனார்  2008ஆம் ஆண்டில் பல புதிர்கள் செய்திருக்கிறார். இந்த (cryptic clues)  வெடிகளைப் புதைபுதிர்  என்று அழகானப் பெயரை முன்மொழிந்தவர் அவரே. இங்கே தொடங்கித் தேடவும்: http://elavasam.blogspot.in/2008/08/blog-post.html பதம் பார்க்க ஒன்று:   வயதானால் தெரியும் தன் விலாசம் (4) 2. அபாகு‍ பார்த்தசாரதி நூற்றுக்கும் மேற்பட்ட புதிர்கள் செய்துள்ளார். ஆங்கிலப்புதிர்கள் குறித்தும் அவர் நிறைய எழுதியுள்ளார். அவருடைய வலை முகவரி: http://www.sparthasarathy.com/crosswords/indexcw_tamil.html#current அவருடைய கைவண்ணத்தில் உருவான மாதிரிகள் இரண்டு: கடை பாசந்தி விலை அதிகம் என்றாலும் சுவை குன்றாது (5) முதல் சாரணனுக்கு உதவித்தொகை கிடைப்பது எளிது (5) 3. முத்து சுப்ரமண்யம் சொல்கலை, கலைமொழி என்று பலவ...
5 comments
Read more

தீபாவளிக்காக ஒரு விநோத சொல் விளையாட்டு

தீபாவளிக்காக ஒரு விநோத சொல் விளையாட்டு    வாஞ்சிநாதன் இன்றைய விசேஷப்புதிரில்  ஒற்றை  வாக்கியத்தைக் கண்டுபிடிப்பதுதான் உங்கள் வேலை. அதில் சில சொற்களை அப்படியே தந்திருக்கிறேன். மற்ற சொற்களுக்கு மாற்று தந்திருக்கிறேன். அவற்றை மாற்றி வாக்கியத்தை எழுதவேண்டும். எந்த வார்த்தைகள் மாற்ற வேண்டியவை என்பதை அவை பின்னே  ஆங்கில எழுத்துகள் A,B,C,D, E மூலம் காட்டியிருக்கிறேன். நீங்கள் மாற்றிக் கண்டு பிடிக்க வேண்டிய விடைச் சொற்கள் ஐந்துக்கும் ஓர் ஒற்றுமை இருக்கிறது. அதைக் கண்டுபிடிப்பதும் சுவாரசியமாக இருக்கும். உங்களால் அந்த ஒற்றுமையைக் காண முடியவில்லை என்றால் பெரும்பாலும் உங்கள் விடை தவறாக இருக்க வாய்ப்பிருக்கிறது.  அல்லது  இரண்டு கோடி பரிசை வென்ற பின்னும் இன்னமும் எனக்கு ஒரு கோடி கிடைக்கவில்லையே என்று எண்ணிக்கொண்டிருக்கிறீர்கள்! விடைகள் ஒவ்வொன்றும் ஒற்றைச் சொல்லா என்று சந்தேகம் வந்தால் இதை மனதில் கொள்ளுங்கள்: "கொஞ்சங்கூட"  என்பது போல் சேர்த்தெழுதி  ஒற்றைச் சொல் போல எண்ணலாம். இதோ அந்த புதிர் விளையாட்டு:   ஒரு கணிதமேதைக்குத் தூண்டுதலான ...
8 comments
Read more

விடை 3488

இன்று காலை வெளியான வெடி: வீட்டுப் பகுதி புலி விரட்டிய கருவியில் நாற்று நடு (4) இதற்கான விடை:  முற்றம் = முறம் + ற்
3 comments
Read more