விடை 3784

இன்று காலையில் வீசப்பட்ட வெடி:

சந்திரனில்  முதல் மூன்று அடி வைத்து நடப்பதெல்லாம் சாதாரணம் (4)

சில நாட்களாக அடிக்கடி சந்தியான் விண்கலம் பற்றிய செய்திகள் வந்த வண்ணமாய் இருக்கிறது: இன்று அதன் சுற்றுப் பாதை உயர்த்தப்பட்டது, இன்று பூமியின் ஈர்ப்பிலிருந்து விடுபட்டு சந்திரனை வட்டமிடத் தொடங்கிவிட்டது, இன்று தரையிறங்கும் கலம் பிரிக்கப்பட்டது ... இப்படி.  அதைத் தொடர்ந்து இன்றைய புதிர்.  மூன்றடிவைத்து  பிரபஞ்சத்தையே அளந்த வாமனன் கதை பேசப்படும் நாட்டில்  நமது இஸ்ரோ விரைவில் சந்திரனில் நடப்பதை சாதாரண நிகழ்ச்சியாக்கும்படி முன்னேறும்.

 இன்றைய வெடிக்கான  விடை:  சகஜம் = ச(ந்திரனில்)  + கஜம் (3 அடி)

சகஜம் = சாதாரணமாய் நடைபெறுவது.

இந்த வெடிக்கு அனுப்பப்பட்ட விடைகளின் பட்டியல் இப்பக்கத்தில் காணலாம்.