உதிரிவெடி 3325

உதிரிவெடி 3325 (01/06/2018)

வாஞ்சிநாதன்

*************************

இரண்டு நாட்கள் முன்பு விடுத்த அழைப்பை ஏற்று முப்பது பேர் புதிர் குறித்த  வாட்ஸப் குழுவில் பங்கேற்க இசைந்து விட்டார்கள். இன்றிரவு விடையை விவாதிக்க இக்குழு உருவாகிவிடும்.

இக்குழு  மீண்டும் உயிர்த்தெழ முக ராகவன் அவர்களின் முயற்சியே காரணம். அவருக்கு நன்றி.   பெரும்பாலானோர் கலைக்கப்படுவதற்கு முன் இக்குழுவில் பங்கேற்றிருந்தவர்கள் என்பதால் அவர்கள் தொலைபேசி எண் என்னிடம் இருக்கிறது. நானே சேர்த்துவிடுவேன். புதியவர்கள்  வாஞ்சிநாதன் அட் ஜிமெயில்  பொட்டுவாணிக்குத் தங்கள் எண்ணை எனக்கு (தங்கள் பெயருடன்!) அனுப்பலாம்.

ஜிமெயிலில் உங்கள் எண்ணைத் தெரிவிக்க தயக்கமென்றால்,  சில இலக்கங்களை ஒன்பது  எட்டு .... என்று எழுத்தால் சொல்லுங்கள்.

நேற்று மாதக் கடைசிப் புதிருக்கு விடை "கடைசி"  என்றதால் இன்றைய விடை முதல் என்று எண்ணி ஏமாறாதீர்கள்!

இன்றைய வெடி:

நொந்து பிட்டு செய்தவள் ஒரு பாதி உண்டாள் (4)