விடை 3206 மற்றும் புதிதாய் ஒரு பீட்டர்

இன்று (02/02/2018) காலையில் ஒரு குறள் வெடியை அளித்திருந்தேன்:

கொட்டியபின் நீளம் குறைத்திடுவார் மேற்கொண்டு
கட்டிடுவார் கொத்தனார் ஆங்கு (6)

இதற்கான விடை: அடித்தளம் = அடித்த  + (நீ) ளம்
அடித்தளம் இட்டபின் மேற்கொண்டுதான் (வீடு) கட்டுவார்கள்.

மேளத்தை அடிப்பதை மேளம் கொட்டுவது என்று கூறுகிறோம். (தெலுங்குக்காரர்கள் தொட்டதெற்கெல்லாம் கொட்டுகிறார்கள். தமிழில் கல்யாணம், காட்சிக்கு மட்டும் கொட்டுகிறோம்.)

இரண்டு நாட்களாக வெடிகளில் நான் குழற,  குறள ஆரம்பித்துவிட்டேன் என்று நினைப்பவர்களுக்கு ஓர் நற்செய்தி. நாளை வழக்கமான பாணியில் புதிர் வரும்.

கொசுறு:
நேற்று இந்து செய்தித்தாளில்  ஆங்கிலப் புதிரைப் படித்த போது மனதில் தோன்றிய ஒரு வெடியை அளிக்கிறேன்:

 Baby deliverer  tale has a different ending (5)

இதற்கான விடையை அனுப்பியே தீருவேன் என்பவர்கள் காலை குறள் வெடியின் படிவத்திற்கே மீண்டும் சென்று அனுப்புங்கள்.

நல்லாத்தானே இருந்தார் ஏன் இப்பிடி  பீட்டர் விடப் போய்ட்டார் என்று நினைக்கிறவர்கள் திட்டவேண்டிய நபர் நானில்லை, அதற்கு முழுப் பொறுப்பு ஆர்டன்:
 Arden's clue in The Hindu February 1, 2018 (Puzzle  12229):

Stray animal, head is different (7 )

 இதனால் சகலருக்கும் தெரிவித்துக்  கொள்ளப்படுவது என்னவென்றால், இது போல்  
பீட்டரிடம் திருடி பால் கணக்கைத் தீர்க்கும் வழியும் இந்த வலைப் பதிவில்  இடம் பெறும் என்பதாம்.