உதிரிவெடி 3538 (ஜனவரி 1, 2019)
வாஞ்சிநாதன்
*******************
அனைவருக்கும் 2019 ஆம் ஆண்டு இனிதாகத் தொடங்கி இனிதாகச் செல்ல வாழ்த்துகள்.
கால் சறுக்க தொடர்ந்து மூன்றடி சாதாரணமாக நடப்பது (4)
வாட்ஸப்பிலிருந்து வலைப்பதிவுக்கு உதிரிவெடி குடி மாறி ஒரு மாதம் முடித்து விட்டது. வலையில் பல வருடங்களாகப் புதிர் அளிப்பவர்கள் பலர் இருக்கின்றனர். நான் அளிக்கும் இந்த சில்லறையெல்லாம் போதாது, கற்றை கற்றையாக இருந்தால் நல்லா இருக்குமே என்று நினைப்பவர்களுக்கு இப்பதிவு: 1. இலவசக் கொத்தனார் 2008ஆம் ஆண்டில் பல புதிர்கள் செய்திருக்கிறார். இந்த (cryptic clues) வெடிகளைப் புதைபுதிர் என்று அழகானப் பெயரை முன்மொழிந்தவர் அவரே. இங்கே தொடங்கித் தேடவும்: http://elavasam.blogspot.in/2008/08/blog-post.html பதம் பார்க்க ஒன்று: வயதானால் தெரியும் தன் விலாசம் (4) 2. அபாகு பார்த்தசாரதி நூற்றுக்கும் மேற்பட்ட புதிர்கள் செய்துள்ளார். ஆங்கிலப்புதிர்கள் குறித்தும் அவர் நிறைய எழுதியுள்ளார். அவருடைய வலை முகவரி: http://www.sparthasarathy.com/crosswords/indexcw_tamil.html#current அவருடைய கைவண்ணத்தில் உருவான மாதிரிகள் இரண்டு: கடை பாசந்தி விலை அதிகம் என்றாலும் சுவை குன்றாது (5) முதல் சாரணனுக்கு உதவித்தொகை கிடைப்பது எளிது (5) 3. முத்து சுப்ரமண்யம் சொல்கலை, கலைமொழி என்று பலவ...
Comments
உதிரிவெடி
************
துள்ளித்திரியும் பச்சிளம் கன்றிது
ஓராண்டு நிறைவுற்ற தருணமிது
தேன்பாகாய் புதிரைச்
சுவைத்து
மெத்த மகிழ்வுற்ற நாட்கள் பலவுண்டு
விடியலில் புதிர்களிடும் புள்ளிக்கோலங்கள்
முத்தாய் தெறித்திடும் முற்றத்தில்
முரண்டு பிடிக்கும் புதிர்களுமுண்டு
திரண்டு வரும் திரட்டு பாலுமுண்டு
வற்றாத சோலையிது
திகட்டாத தேனமுது
நித்தமும் துயிலெழுப்ப
பூபாள மிசைக்கும்
இன்று போல் என்றும் நம்
உள்ளத்தில் உவகைக்கு
வித்திட விழைகின்றேன் பித்தாய் மாறினோம் புதிர்களால்
சத்தான வெடிகளை
விருந்தாய் படைத்திடும்
குன்றின் விளக்காம்
அன்பர் வாஞ்சியாருக்கும்
உதிரிப்பூக்களை
சரமாய் தொடுத்து
மணம் பரப்பும்
குழு உறுப்பினர்களுக்கும்
புத்தாண்டு வாழ்த்துக்கள்!
ஒராண்டை கடந்து
வெற்றிநடைபோடும்
உதிரிவெடி குழு
ஆல் போல் வளர்ந்து இமயத்தைத் தொட
இந்நாளில் வாழ்த்திடுவோம்
வையத்துள் புகழுடன்
வாழ்க! வளர்க!
💐🙏💐
எம்கேயார்
Bangalore. 01-01-2019