இந்து ஆங்கில நாளேட்டில் சுமார் பதினைந்து புதிராளிகள் தினம் ஆங்கிலத்தில் மாறி மாறி புதிர்களை வெளியிட்டு வருகின்றனர். அதில் Afterdark என்ற பெயரில் புதிரை வெளியிடுபவர் தமிழில் முதன் முறையாக ஆக்கியிருக்கிறார்.
சினிமாவில் கடைசி ஆண் பாத்திரம் (4) என்று என்று அழகாகத் தொடங்கி
சுமார் 32 குறிப்புகள் கொண்ட அப்புதிரில் இன்னமும் நான்கைந்துக்கு விடைகள் வராமல் தடுமாறிக் கொண்டிருக்கிறேன்.
நமக்குப் பரிச்சயமான ஹரி பாலகிருஷ்ணனின் செயலி மூலம் வடிவமைக்கப் பட்ட புதிர் என்பதால் இங்கு வருவோர்க்கு வசதியாக இருக்கும்.
அந்த சுவாரசியமான புதிரைக் காண
இங்கே செல்லுங்கள்.
வாட்ஸப்பிலிருந்து வலைப்பதிவுக்கு உதிரிவெடி குடி மாறி ஒரு மாதம் முடித்து விட்டது. வலையில் பல வருடங்களாகப் புதிர் அளிப்பவர்கள் பலர் இருக்கின்றனர். நான் அளிக்கும் இந்த சில்லறையெல்லாம் போதாது, கற்றை கற்றையாக இருந்தால் நல்லா இருக்குமே என்று நினைப்பவர்களுக்கு இப்பதிவு: 1. இலவசக் கொத்தனார் 2008ஆம் ஆண்டில் பல புதிர்கள் செய்திருக்கிறார். இந்த (cryptic clues) வெடிகளைப் புதைபுதிர் என்று அழகானப் பெயரை முன்மொழிந்தவர் அவரே. இங்கே தொடங்கித் தேடவும்: http://elavasam.blogspot.in/2008/08/blog-post.html பதம் பார்க்க ஒன்று: வயதானால் தெரியும் தன் விலாசம் (4) 2. அபாகு பார்த்தசாரதி நூற்றுக்கும் மேற்பட்ட புதிர்கள் செய்துள்ளார். ஆங்கிலப்புதிர்கள் குறித்தும் அவர் நிறைய எழுதியுள்ளார். அவருடைய வலை முகவரி: http://www.sparthasarathy.com/crosswords/indexcw_tamil.html#current அவருடைய கைவண்ணத்தில் உருவான மாதிரிகள் இரண்டு: கடை பாசந்தி விலை அதிகம் என்றாலும் சுவை குன்றாது (5) முதல் சாரணனுக்கு உதவித்தொகை கிடைப்பது எளிது (5) 3. முத்து சுப்ரமண்யம் சொல்கலை, கலைமொழி என்று பலவ...
Comments