நேற்றைய புதிரில் இடம் பெற்ற சொற்கள்
வேழம், அணி, புலி, புரவி, சாவு
இதில் தனியானது: புலி
நான்கு சொற்களுக்கு அதே பொருளில் எதுகையாக அமைந்த சொற்கள் உள்ளன.
வேழம் = கரி
அணி = தரி
புரவி = பரி
சாவு = மரி
அணி மட்டும் வினைச் சொல் என்பது சரியாகாது. சாவு, வினைச் சொல்லாகவும் பயன்படும்.
(ஏவு, தாவு போல். "எங்கேயாவது ஆத்துல கொளத்தில விழுந்து சாவு" என்று கோபத்தில் திட்டுவதைக் கேட்டதில்லையா?)
எதுகையென்று சொன்னால் போதுமா? ஒரு செய்யுள் எழுதிப் பார்க்கலாமா?
புலி என்பது வரி என்று கொள்ள முடியாது. இருந்தாலும் வரியையும் சேர்த்துக் கொண்டு ஒரு நேரிசை வெண்பா:
பரிமே லமர்ந்து பகைவர் பலரும்
மரிந்திட வென்றநம் மன்னன் தரித்த
வரிப்புலித் தோலுடை வண்ணமது ஈர்க்க
கரிகளும் ஆடும் களித்து.
ஜோசப் அமிர்தராஜ் கூறும் இன்னொரு செய்தி: கரி, பரி, தரி, மரி சங்கீத ஸ்வரங்களைக் குறிக்கும் எழுத்துக்களால் ஆனவை. சரி!
ராம்கி கிருஷ்ணன், முதல் நான்கு சொற்களுக்கும் தலையெழுத்துகளை "ப" என்று மாற்றினால், பழம், பணி, பலி, பரவி, என்று பொருளுடைய சொற்கள் கிடைக்கும், ஆனால் சாவை மாற்ற முடியாது என்கிறார். தலையெழுத்தை மாற்றினால் சாவு மாறாது என்பது சரியா என்று பிரம்மாவிடமும் எமனிடமும் கேட்டுவிட்டுச் சொல்கிறேன்.
Comments
சரியாகா தே,அத் தகவல் - சரியாகச்
சொல்கிறதே சாவென்னும் சொல்பெயர்ச்சொல் மட்டுமென்று
நல்ல அகராதி நூல்.
-----------------------------------------------------------------------
சாவு , பேச்சு வழக்கில் மட்டுமே வினைச்சொல்லாகப் பயன்படுகிறது
---------------------------------------------------------------------------------------------------------------
சென்னைப் பல்கலைக்கழகத் தமிழ்ப் பேரகராதி
Word : சாவு
Word
English & Tamil Meaning
பொருள்
சாவு cāvu,
n. <id. [T. tcāvu, K. Tu. sāvu, M. cāvu.]
1. Death
மரணம். (பிங்.)
2. (Astrol.) The eighth house, as the house of death;
பிறந்த இலக்கினத்துக்கு எட்டாமிடமாகிய மாரகஸ்தானம். (விதான. மரபி. 4.)
3. Ghost;
பேய். சாவா யகன்று தாவினன் (ஞானா. 33, 10).