திரிவெடி 44 விடை

இவ்வாரத்திய திரிவெடிகளில்  புராணப் பெண்கள் ஐந்து பெயர் அளிக்கப்பட்டிருந்தது.

அதிதி, மேனகா, அகல்யா, ரேணுகா, அருந்ததி

 சப்த ரிஷிகளில் ஐவரிகளின் பத்தினிகள் அவர்கள்.
 மேனகா, விஸ்வாமித்திரரின் மனைவி (அவர்களுக்குத்தான் சகுந்தலை மகளாகப் பிறந்தாள்).
அகல்யா, கவுதமரின் மனைவி (கல்லாகிக் கிட என்று அருமைக் கணவனால் சபிக்கப்பட்டு ராமர் மூலம் மீண்டும் உயிர்த்தெழுந்தவள்)
ரேணுகா தேவி, ஜமதக்னி என்ற ரிஷியின் மனைவி, அதிதி கஸ்யபரின் மனைவி;  (அவர்களைப் பற்றிய கதை எதுவும் எனக்குத் தெரியாது).

அருந்ததி, வசிஷ்டரின் மனைவி.
இந்த சப்தரிஷிகளின் மனைவிமார்களோடு அக்னி பகவான்- ஸ்வாஹா தேவி எல்லோரையும் சேர்த்த கதை ஒன்று இருக்கிறது.
அதைத் தேடிப் படித்துத் தெரிந்து கொள்ளுங்கள். அக்கதை முடிவில் வசிஷ்டரின் மனைவி அருந்ததி மட்டும் கற்பில் உயர்ந்தவள் என்ற முடிவுக்கு வருகிறார்கள். வான மண்டலத்தில் அவள் மட்டும் கணவனுடன் இருக்கும் தகுதியைத் தக்க வைத்துக் கொள்கிறாள். அதனால் அருந்ததி பிற ரிஷி பத்தினிகளிலிருந்து வேறுபட்டவர்.

Ursa Major/Big Bear  என்று  ஆங்கிலத்தில் அழைக்கப்படும் சப்தரிஷி மண்டலத்தில் Alcor-Mizar என்ற இரட்டை(binary star)  நட்சத்திரமாகப் பார்க்கலாம்.

 அதனால்தான் கல்யாணத்தில் அருந்தததி நட்சத்திரத்தைப் பார்த்தால் தம்பதியர்கள் சேர்ந்தே இருப்பார்கள் என்று சொல்கிறார்கள். அதுசரி வட இந்தியக் கல்யாணத்தில் நடுராத்திரியில் பார்க்கலாம்.   நம் ஊரில் எப்படி?

 இப்புதிருக்கு விடையளித்தவர்கள் பட்டியலை இங்கே காணலாம்.