திரிவெடி 13

 

திரிவெடி 13 (22/06/2024) 

 வாஞ்சிநாதன் 

 

இன்றைய திரிவெடியில் ஆறு சொற்கள் உள்ளன. இதில் விலக்க வேண்டிய இரண்டு சொற்களில் ஒன்றை நானே சொல்லிவிடுகிறேன். இது வெறும் சொல் விளையாட்டுதான், பொது அறிவுச் சோதனை இவ்வாரப் புதிரில் இல்லை.

தாகத்தால் ஈரமான அளிந்த சோற்றை  உண்ணும் கொடுமை.

சும்மா,  எனக்கு ஒரு பொழுது போக்கிற்காக ஒரு வாக்கிய வடிவில் எழுதியுள்ளேன். வழக்கமான சொற்பட்டியல் வடிவில் (மேலேயிருப்பதில் ஒரு சொல்லை நீக்கிய பின்) ஐந்து சொற்கள் இதோ:

ஈரம், தாகம், சோறு, கொடுமை, அளிதல்

இதில் ஒரு சொல்லை விலக்கி மீதமுள்ள நான்கு சொற்களை இணைக்கும் திரி எது என்று கண்டுபிடியுங்கள்.

இங்கே சொடுக்கினால்   வரும் படிவத்தில்  உங்கள் விடையை இடவும்.