உதிரிவெடி 4150

உதிரிவெடி 4150 (ஆகஸ்டு 22, 2021)
வாஞ்சிநாதன்
*************************

உதிரிவெடியில் பழைய வெடிகள் மீண்டும் கருத்துரைப் பகுதியில் வெளிவருவதைப் படித்த போது "கல்யாணி" ராகம் பற்றிய புதிருக்கு ராமகிருஷ்ண ஈஸ்வரன் "கல்யாணியின் ஜீவனே அதன் பிரதி மத்யமம் தான். கல்யாணியில் சுத்த மத்யமம் கிடையாது. ஆகவே,
சுத்தமாக மத்யமம் இன்றி கணினியால் அமைக்கப்பட்ட சம்பூரண ராகம்! (4)
என்று இருந்தால் இன்னமும் மெருகூட்டியிருக்குமே என்கிறார். நிச்சயம். இதற்கு இசை பற்றிய என்னுடைய "அறிவில்" உள்ள ஓட்டைதான் காரணம். புத்தகத்தைப் படித்து, கராத்தேயும் நீச்சலும் கற்றுக் கொள்ள முடியுமா? அப்படி முடியும் என்று இசையை நினைத்ததால் வந்த வினை இது. பாட்டைக் கேட்டும், பாடிப் பழகியும் இசையைக் கற்றுக் கொள்ள வேண்டும் என்கிறார்கள். கேட்டால் புரிந்தால்தானே ...:
இன்றைய வெடிக்கு வருகிறேன்:
வஞ்சகி தலைகால் மாற்றிய போராட்டம் ஈன்ற முன்னேற்றம் (5)