Skip to main content

விடை 4255

நேற்று காலை வெளியான வெடி:

பாவைக்குப் பாதுகாப்பு சுருங்கச் சுருக்கு (3)
இதற்கான விடை கண்ணி = கண்ணிமை ‍மை
கண்ணிமை = பாவைக்கு, அதாவது கண்ணின் மணிக்கு, பாதுகாப்பு தருவது
கண்ணி = கயிற்றாலான‌ சுருக்கு, பறவைகளைச் சிக்க வைப்ப‌தற்குப் பயன்படுத்துவது.
கச்சு என்ற சொல் ஒளிந்திருப்பதைக் கண்டு அதை விடையாகப் பலரும் அளிக்க முற்பட, புதிரின் முழுவீச்சையும் புரிந்து சரியான விடையைக் கண்ட அ.ஜோசப் அமிர்தராஜ், அருந்ததி, அருள், சுந்தர் வேதாந்தம், ரவி சுந்தரம், இந்த ஐவருக்கும் பாராட்டுகள்.
கண்ணி என்ற சொல்லின் இயல்பான பொருளை கண்ணியில சிக்காதய்யா கானாங்குருவி என்ற இந்த கிராமியப்பாடலின் மூலம் தெரிந்து கொள்ளலாம்.

இப்புதிருக்கு அனுப்பப்பட்ட விடைகளைக் காண இங்கே செல்லவும்.
Labels:

Comments

balakrishnan said…
அருமையான அமைப்பு. இந்தவாரமும் விடைகாண இயலவில்லை. என்னை பொறுத்தவரையில் குறிப்புகளின் கனம் குறைவோ எனப்படுகின்றது. விடை அளித்த ஐவருக்கும் என் பாராட்டுகள்.
வீ.ஆர். பாலகிருஷ்ணன்.
4 September 2023 at 07:09
Vanchinathan said…
"அருமையான அமைப்பு" என்றும் பின்னர் "கனம்குறறைவு" என்றும் கூறுகிறீர்கள் ??
4 September 2023 at 07:41
ரவி சுந்தரம் said…
கண்ணி என்றால் சுருககு என்று இதுவரை தெரியாது. கண்ணி வெடி = mine தெரியும். பாவைக்கு பாதுகாப்பு தாலி பெண்ணுக்கு வேலி மாதிரி போகாது என்று ஆழ்ந்த நம்பிக்கை ஆகவே பாவை = கண்மணி பாதுகாப்பு கண்ணிமை. கண்மை கணிமை கண்ணி இதில் ஒன்று சுருக்கு. நம்பிக்கையோடு கூகுள் மாமாவை கேட்டேன். அடிச்சேன் லக்கி ப்ரைஸ்
4 September 2023 at 23:22
Post a Comment

Popular posts from this blog

வலையுலகில் ஒளிந்துள்ள புதிர்ப் பக்கங்கள்

வாட்ஸப்பிலிருந்து வலைப்பதிவுக்கு உதிரிவெடி குடி மாறி ஒரு மாதம் முடித்து விட்டது. வலையில் பல வருடங்களாகப் புதிர் அளிப்பவர்கள் பலர் இருக்கின்றனர்.  நான் அளிக்கும் இந்த சில்லறையெல்லாம் போதாது, கற்றை கற்றையாக இருந்தால் நல்லா இருக்குமே என்று நினைப்பவர்களுக்கு இப்பதிவு: 1. இலவசக் கொத்தனார்  2008ஆம் ஆண்டில் பல புதிர்கள் செய்திருக்கிறார். இந்த (cryptic clues)  வெடிகளைப் புதைபுதிர்  என்று அழகானப் பெயரை முன்மொழிந்தவர் அவரே. இங்கே தொடங்கித் தேடவும்: http://elavasam.blogspot.in/2008/08/blog-post.html பதம் பார்க்க ஒன்று:   வயதானால் தெரியும் தன் விலாசம் (4) 2. அபாகு‍ பார்த்தசாரதி நூற்றுக்கும் மேற்பட்ட புதிர்கள் செய்துள்ளார். ஆங்கிலப்புதிர்கள் குறித்தும் அவர் நிறைய எழுதியுள்ளார். அவருடைய வலை முகவரி: http://www.sparthasarathy.com/crosswords/indexcw_tamil.html#current அவருடைய கைவண்ணத்தில் உருவான மாதிரிகள் இரண்டு: கடை பாசந்தி விலை அதிகம் என்றாலும் சுவை குன்றாது (5) முதல் சாரணனுக்கு உதவித்தொகை கிடைப்பது எளிது (5) 3. முத்து சுப்ரமண்யம் சொல்கலை, கலைமொழி என்று பலவ...
5 comments
Read more

தீபாவளிக்காக ஒரு விநோத சொல் விளையாட்டு

தீபாவளிக்காக ஒரு விநோத சொல் விளையாட்டு    வாஞ்சிநாதன் இன்றைய விசேஷப்புதிரில்  ஒற்றை  வாக்கியத்தைக் கண்டுபிடிப்பதுதான் உங்கள் வேலை. அதில் சில சொற்களை அப்படியே தந்திருக்கிறேன். மற்ற சொற்களுக்கு மாற்று தந்திருக்கிறேன். அவற்றை மாற்றி வாக்கியத்தை எழுதவேண்டும். எந்த வார்த்தைகள் மாற்ற வேண்டியவை என்பதை அவை பின்னே  ஆங்கில எழுத்துகள் A,B,C,D, E மூலம் காட்டியிருக்கிறேன். நீங்கள் மாற்றிக் கண்டு பிடிக்க வேண்டிய விடைச் சொற்கள் ஐந்துக்கும் ஓர் ஒற்றுமை இருக்கிறது. அதைக் கண்டுபிடிப்பதும் சுவாரசியமாக இருக்கும். உங்களால் அந்த ஒற்றுமையைக் காண முடியவில்லை என்றால் பெரும்பாலும் உங்கள் விடை தவறாக இருக்க வாய்ப்பிருக்கிறது.  அல்லது  இரண்டு கோடி பரிசை வென்ற பின்னும் இன்னமும் எனக்கு ஒரு கோடி கிடைக்கவில்லையே என்று எண்ணிக்கொண்டிருக்கிறீர்கள்! விடைகள் ஒவ்வொன்றும் ஒற்றைச் சொல்லா என்று சந்தேகம் வந்தால் இதை மனதில் கொள்ளுங்கள்: "கொஞ்சங்கூட"  என்பது போல் சேர்த்தெழுதி  ஒற்றைச் சொல் போல எண்ணலாம். இதோ அந்த புதிர் விளையாட்டு:   ஒரு கணிதமேதைக்குத் தூண்டுதலான ...
8 comments
Read more

விடை 3488

இன்று காலை வெளியான வெடி: வீட்டுப் பகுதி புலி விரட்டிய கருவியில் நாற்று நடு (4) இதற்கான விடை:  முற்றம் = முறம் + ற்
3 comments
Read more